Қазақстан $1,5 млрд еуробонд шығарды

Қаржы министрлігінің мәліметіне қарасақ, аталған шара елдің қаржылық тұрақтылығын нығайтады. Қазақстан 9 жылдан кейін алғаш рет еурооблигациялар нарығына оралды. Еліміз 10 жыл мерзімге $1,5 млрд сомасына еуробонд шығарды. Купондық ставка мен кіріс 4,714% құрады, деп хабарлайды Orda.kz.

Қаржы министрлігінің мәліметтеріне сүйенсек, Еврооблигациялар немесе еyробондар – шетелде мемлекеттік немесе корпорациялық сектор тарапынан шығарылатын бағалы қағаздар. Бұл 1 жылдан 40 жылға дейін ұзақ мерзімді қаржылық ресурс алуды көздейтін қарыздық міндеттемелер.

Еyрооблигациялар Лондон қор биржасында және «Астана» Халықаралық қаржы орталығы биржасында орналастырылды. Халықаралық мәміле ұйымдастырушылары ретінде Citi, JPMorgan, Societe Generale, ал Қазақстандық ұйымдастырушы ретінде «BCC Invest» АҚ шықты. Мәмілеге жоғары инвестициялық рейтингке ие елдер үшін ғана қолжетімді болған бір күндік виртуалды роуд-шоу өткізілді.

«Бір күн ішінде АҚШ, Ұлыбритания, Еуропа, Азия және Таяу Шығыс елдерінен 100-ден астам инвестормен консультация жүргізілді. Бұл Қазақстан Республикасына халықаралық капитал нарығында сенімді және жоғары сапалы эмитент ретінде жоғары деңгейде қызығушылық пен сенімділікті көрсетеді, - деді министрлік. 

Сонымен қатар, табысты орналастырудың маңызды факторы ретінде Moody’s агенттігінің Қазақстанның мемлекеттік рейтингін Baa1 деңгейіне (тұрақты болжам) көтеруі аталды.

Қаржы министрлігінің мәліметінше, орналастырудың уақтылығы арқасында шығарылым көлемі мен бағасы бойынша оңтайлы параметрлерге қол жеткізілді.

«Жалпы өтінімдер тұрақты өсім көрсетіп, шамамен $6 млрд-қа жетті, бұл купондық ставка мен кірістілікті 4,714% деңгейінде, АҚШ мемлекеттік облигацияларына қатысты 88 базалық тармақ мөлшерінде сыйақыға мүмкіндік берді, - деп хабарлады министрлік.

Ведомство мәліметінше, мұндай спред 10 жылдық мемлекеттік облигациялары бар дамушы елдер үшін рекордтық көрсеткіштердің бірі саналады.

«Салыстырсақ, 88 базистік тармақ «А» деңгейіндегі рейтингке ие бірқатар елдердің, мысалы, Сауд Арабиясы, Чили және Польша сияқты, екінші деңгейден төмен. Бұл халықаралық инвесторлардың Қазақстанның экономикалық, қаржылық және әлеуметтік саясатына жоғары сенім білдіретінін көрсетеді, - деп мәлімдеді ведомство. 

 Министрлікте айтылғандай, еурооблигациялардың шығарылуы елдің қаржылық тұрақтылығын нығайтады және экономикалық өсімін қолдайды. Сонымен қатар, орналастырудың қолайлы шарттары Қазақстанның басқа да эмитенттері, соның ішінде квазимемлекеттік және корпоративтік сектордың халықаралық капитал нарығына шығу үшін бағдар беретін болады.