«Қазақмыс» корпорациясы бірден 12 кеніш пен 4 фабриканың жұмысын тоқтатады

«Қазақмыс» корпорациясы қауіпсіздік шараларын кешенді тексеру үшін бірден 12 кеніш пен 4 фабриканың жұмысын тоқтатады, деп хабарлайды Orda.kz.

Өнеркәсіптік қауіпсіздік пен еңбекті қорғау шараларын күшейту үшін компания басшылығы тәуекел деңгейі жоғары өндірістік орындарды тоқтата тұру туралы шешім қабылдады. 

Компания жұмысты тоқтатудың төмендегі кестесін ұсынды: 

20 наурыздан бастап- Шығыс Жезқазған, Абыз, Саяқ, Қоңырат кеніштері, Нұрқазған, Қарағайлы, Балқаш байыту фабрикасы, құрылыс-монтаждау басқармасы, энерго-жөндеу мамандандырылған басқармасы;

21 наурыздан бастап- Оңтүстік Жезқазған, Ақбастау, Хаджиконған, Шатыркөл, Жайсаң кеніштері;

22 наурыздан бастап-Батыс Жезқазған кеніші;

23 наурыздан бастап - Жыланды кеніші;

24 наурыздан бастап - Жезқазған байыту фабрикасы.

Сонымен қатар бұрын тоқтатылған Жомарт кенішінде тексеру жұмыстары жалғасуда. Комапания шахтадағы жұмыс тоқтағанымен, жұмысшылар жалақысын толық алатынын айтты.