«Қазақмыс» кенішінде 2 шахтер қаза тапты

Қарағанды облысында орналасқан «Саяқ-3» мыс-сульфид кенішінде 2 шахтер улы газдың шығуы салдарынан қаза тапты деп хабарлайды Orda.kz.

 Корпорацияның мәліметінше, кеніштен газ шыққан, ал зардап шеккендер дереу жақын маңдағы ауруханаларға жеткізілді.

«Оқиға себептері мен жағдайлары анықталуда, осы қайғылы оқиғаны тергеу үшін арнайы комиссия құрылды»,  деп хабарлады «Қазақмыс» компаниясы.

«Қазақмыс» қаза тапқандардың отбасыларына қажетті көмек көрсететінін айтты.

Еңбек инспекциясы департаменті бұл оқиға бойынша тергеу комиссиясы құрылғанын мәлімдеді. Сонымен қатар, Комиссия құрамына санитарлық-эпидемиологиялық бақылау және жұмыс беруші өкілдері кірді.