«Қазақфильм» вице-президентіне сот үкімі шықты

Алматы қаласының Бостандық аудандық соты «Шәкен Айманов атындағы Қазақфильм» АҚ бұрынғы вице-президенті Серік Жұбандықовқа үкім шығарды.

Бұл туралы Сыбайласқа жемқорлыққа қарсы қызмет хабарлады.

«Жұбандықов «Көшпенділер» киножобасы аясында Іле өзені бойында салынған «Түркістан қаласы» бутафорлық қамалын нарықтық бағадан 44 есе төмен бағамен заңсыз сату арқылы мемлекетке зиян келтіргені үшін айыпты деп танылды» делінген хабарламада.

Сот Жұбандықовқа 5 жыл шартты түрде бас бостандығынан айыру жазасын тағайындады. Сонымен қатар, активтерді қайтару жұмыстары нәтижесінде жер учаскесі мен қамал мемлекет меншігіне қайтарылды.

Үкім әлі заңды күшіне енген жоқ.