Қазақ тілін мазақтаған қыз сотталды

Қазақ тілін «мәмбеттер тілі» деп атаған Алматы тұрғыны Элина Лю 2 жылға сотталды, деп хабарлайды Orda.kz порталы.

Сот Элина Люды араздық қоздырғаны үшін кінәлі деп танылды.

Ол қазақ тілін «мәмбеттер тілі» деп атап, бұл тілде ауылдан келгендер сөйлейтінін айтқан. Сотталушы видеода Алматыдағы кептеліске байланысты келушілерді де ұнатпайтынын мойындаған.

Әлеуметтік желіні бақылайтын жедел уәкіл алауыздық белгілерін көріп, рапорт жазған. Ол екі жыл жазасын ең төменгі қауіпсіздік колониясында өтейтін болды. Ал баласы әжесіне беріледі.