Қазақ қызы Әбиба Әбужақынова дзюдоның әлем рейтингінде көш бастады

Қазақ спортшысы Әбиба Әбужақынова дзюдоның әлемдік рейтингінде көш бастады, деп хабарлайды Kazakhstan Judo Team-ге сілтеп Orda.kz.       

«Қазақтың дзюдошы қызы Әбиба Әбужақынова 48 келіге дейінгі салмақ дәрежесінде Халықаралық дзюдо федерациясының (IJF) жаңартылған әлемдік рейтингінде көш бастады. Біздің отандастарымыз 5021 ұпаймен рейтингте бірінші орынға көтерілді. Екінші орында Сабина Гилязова (4738 ұпай), үшінші орында Италия спортшысы Ассунта Скутто (4727 ұпай) тұр» деп жазылған хабарламада. 

Бұған дейін қазақстандық дзюдошылар арасында әлемдік рейтингте бірінші орынды тек Максим Раков, Елдос Сметов және Галбадрах Отгонцэцэг иеленген болатын.

Бұған дейін қазақ балуаны Айдос Сұлтанғали әлем чемпионатының финалына шыққаны туралы жаздық.