Қазақ дерматология және жұқпалы аурулар ғылыми орталығының басшысы парамен ұсталды

Республикалық Дерматология ғылыми орталығының басшысы мен оның орынбасары сыбайлас жемқорлыққа қатысы бар деп күдіктелуде.

Бұл туралы Антикор хабарлады.

Алматы қаласы бойынша Сыбайлас жемқорлыққа қарсы қызметі Қазақ дерматология және жұқпалы аурулар ғылыми орталығының басшысы мен оның орынбасарына қатысты сотқа дейінгі тергеу жүргізуде.

«Олар медициналық қызметкерлердің біліктілігін арттыру бойынша қызмет көрсетуге шарт жасасқаны үшін халықаралық жоғары оқу орнынан, кейінгі білім беру институтының басшысынан 5 млн теңге сомасында пара алу бойынша күдікке ілінді. Соттың санкциясымен Орталықтың басшысы қамауға алынды» деп мәлімдеді Антикор.

Тергеу жалғасуда.