Қазақ батыры әлемді мойындатты: Асу Алмабаев UFC жұлдызын тізе бүктірді

Қазақстандық аралас жекпе-жек шебері Асу Алмабаев Лас-Вегаста өткен UFC Fight Night 245 турнирінде жеңіске жетті, деп хабарлайды Orda.kz.

UFC рейтингісінің 7-ші сатысындағы бразилиялық Матеус Николауды ешбір шүбәсіз жеңіп, төрешілердің бір ауыздан шығарған шешімімен жеңісін жария етті.

Жекпе-жек толық үш раундқа созылды. Соңғы раундта Асу Алмабаев қарсыласын дәл соққымен нокдаунға түсірді. Николау қайта тұрып, шайқасты жалғастырғанымен, Асу артықшылықты пайдаланып, партарде басымдық ұстап қалды. Төрешілердің бір ауыздан шығарған шешімімен есеп 29-28 болып, жеңіс қазақ спортшысының қанжығасына байланды. Бұл — оның қатарынан жеткен 17-жеңісі.

Асу Алмабаев UFC аясында өткізген төрт жекпе-жектің бәрінде жеңіске жетті. Енді ол жнңіл салмақ дивизионының үздік ондығына кіруге дайын. 30 жастағы спортшының жалпы ММА мансабында 21 жеңісі мен екі жеңілісі бар.