«Қаза болғандар бар»: Қостанайда жантүршігерлік жол апаты болды

Қостанай - Әулиекөл - Сұрған республикалық тасжолында жол апатынан төрт адам қаза тапты, деп хабарлайды Orda.kz.

Қостанай облысы ПД мәліметінше, оқиға 28 қазанда таңертең Қостанай облысы Әулиекөл ауданындағы Новонежинка және Жусалы елді мекендері арасында болған.

59 жастағы TANK маркалы автокөлік жүргізушісі қарсы қозғалыс жолағына шығып, ВАЗ-2112 маркалы көлікпен соқтығысқан.

Соқтығыс салдарынан ВАЗ көлігіндегі төрт адам алған жарақаттарынан оқиға орнында қаза тапты. TANK көлігінің жүргізушісі мен жолаушысы Әулиекөл аудандық ауруханасына жатқызылды.

Абайсызда екі немесе одан да көп адамның өліміне әкеп соққан жол қозғалысы ережелерін бұзу дерегі бойынша полицейлер соталды тергеу амалдарын бастады.