Қауіпті ауыл шаруашылығы өнімдерін әкелу толастар емес

Қазақстанда 2025 жылдың бірінші жартыжылдығында 1,3 мыңнан астам фитобақылау бұзушылығы анықталған, деп хабарлайды Orda.kz ауыл шаруашылығы министрлігінің баспасөз қызметіне сілтеп.

«2025 жылдың бірінші жартыжылдығында 1 342 заң бұзушылық анықталып, Т130,7 млн. айыппұл салынды. Залалды өнімді әкелудің 65 әрекеті тоқтатылды, ҚР фитосанитарлық талаптарын бұзу туралы 79 халықаралық нотификация жіберілді» деп жазылған хабарламада. 

Жыл басынан бері шекараларда бақылауды күшейту бойынша шаралар кешені іске асырылып жатыр. Мәлімет бойынша, ЕАЭО мемлекеттерімен шекаралас өткізу пункттерінде фитосанитарлық инспекторларды орналастыру жұмыстары басталды.

«Карантинге жатқызылған өнімді экспресс-диагностикалау үшін мобильді зертханалар пайдалануға берілді, бұл қазірдің өзінде қауіпті ауыл шаруашылығы өнімдерін әкелудің 145 әрекетін анықтауға және жолын кесуге мүмкіндік берді» деп мәлімделген хабарламада. 

Сонымен қатар, пилоттық режимде Ақтөбе облысындағы «Әлімбет» бақылау-өткізу пунктінде карантиндік құжаттарды электрондық ресімдеу жобасы іске қосылғаны айтылды.