Қатыгездікпен адам өлтіріп сотталған ер адам Жоғарғы сотқа шағымданды

Түрксіб ауданындағы саябақта әйелдің басын кесіп алған ер адам істі қайта қарау туралы арыз түсірген.

А.Иманқұсовтың өтініші қаралып, қанағаттандырусыз қалдырылды. Жоғарғы сот бірінші сатыда іс алқабилердің қатысуымен қаралғанын атап өтті.

Естеріңізге сала кетейік, полиция 11 сәуір күні кешке Иманқұсов құрбанын Шолохов көшесіндегі саябақта кездестіргенін анықтаған. Ер адам танысының мойнына пышақ сұғып, қан тамырларына зақым келтірген, бұл оның тез өлім құшуына себеп болған. Содан кейін сотталушы басын кесіп алып, алдын ала дайындалған сөмкеге салған.

Кісі өлтірілген күннің ертеңінде резонанс тудырып, БАҚ назарын қылмысқа аудару үшін сотталушы кесілген басты базардағы ет бөлімшесіне лақтырып жіберген. Прокурор таңдалған бутиктің кездейсоқ еместігін баса айтады. Бұл дүкенде бұрын Иманқұсовтың көңіл білдіруінен бас тартқан сатушы әйел жұмыс істеген. Прокуратура оның әрекетін бұрынғы ғашығынан кек алу деп санайды.

Сотталушы өз кінәсін мойындамай, істің «ойдан шығарылғанын» айтты. Алқабилер соты Иманқұсовты 20 жылға бас бостандығынан айырды.