Қатты пайдалы қазбаларды барлауға 320 лицензия берілді

2024 жылдың бірінші жартыжылдығында қатты пайдалы қазбаларды барлауға 320 лицензия берілді.

Бұл туралы ҚР өнеркәсіп және құрылыс министірлігі хабарлады.

2024 жылдың бірінші жартыжылдығында жер қойнауын пайдалануға 333 лицензия берілді, оның 320-сы қатты пайдалы қазбаларды барлауға және 13-і қатты пайдалы қазбаларды өндіруге 800-ден астам өтінімді қарау нәтижесінде берілген.

Министрлік жер қойнауын пайдаланушыларға арналған «minerals.gov.kz»  бірыңғай платформасында қызмет көрсету бойынша бизнес-процестерді автоматтандыруды жалғастыруда. Қазіргі уақытта платформада 3500-ге жуық пайдаланушы тіркелген, жыл соңына дейін бірқатар мемлекеттік ақпараттық жүйелерді платформамен интеграциялауды аяқтау жоспарлануда.

Сонымен қатар инвестициялық ахуалды жақсартуға және жер қойнауын пайдалану саласын жақсартуға бағытталған екі заң жобасы әзірленіп жатыр. Қатты пайдалы қазбаларды барлау құқығына электронды аукцион өткізіліп, қол қойылатын бонусы 89 млн теңгеден асады.