Катар инвесторы 65 млрд теңгеге қазақстандық «Bereke bank-ты» сатып алды

Катардың Леша банкі 20 мамырда ресейлік жинақ банкінің Қазақстандағы бұрынғы еншілес ұйымы «Береке банкті» сатып алуға келіскенін хабарлады. Банктің барлық жарғылық капиталы катарлық инвесторға 65 млрд теңгеге беріледі, деп хабарлайды Orda.kz.

Lesha Bank мәліметінше, тараптар мәміле туралы 31 наурызда келіскен. Қазақстан жағынан сатушы «Бәйтерек» холдингі болды. Оның  келісімі қазірдің өзінде алынған. Мәміле шарттары сонымен қатар мемлекеттік реттеуші және қадағалаушы органдардан рұқсат алуды талап етеді.

Катарлық инвестор Bereke Bank акцияларының 100 пайызын сатып алуға ниетті екені ақпан айында белгілі болды. Мәмілеге қатысты сұрақтар бірден пайда болды. Біріншіден, Леша Банк классикалық банк емес, ауқатты адамдарға жеке қызмет көрсетуге бағытталған инвестициялық қор. Екіншіден, ол ислам банкингі қағидаттары бойынша жұмыс істейді. Үшіншіден, «Леша банктің» меншікті капиталы мен пайда көлемі «Береке» банкке қарағанда аз.

Осы келіссөздер аясында Fitch мәміледен кейін қаржы институты мемлекеттік қолдауға сене алмайтындығына байланысты «Береке» банкінің несиелік рейтингін төмендетуі мүмкін екенін ескертті.