Қасым-Жомарт Тоқаев қазақстандықтарды Тәуелсіздік күнімен құттықтады
16 желтоқсан – еліміздің басты мерекесі Қазақстанның Тәуелсіздік күні тойланады. Президент Қазақстан халқын құттықтап, зор денсаулық, бақыт және табыс тіледі.
Қасым-Жомарт Тоқаев өз құттықтауында ел азаматтарының өткен және келешек ұрпақ алдындағы борышы – ұлттың игілігі мен өркендеуінің астарында жатқан ең басты құндылық ретінде қасиетті Тәуелсіздікті бар ынтасымен қорғау мен сақтау екенін атап өтті.
«Құрметті жерлестер! Тәуелсіздік күні құтты болсын! Бұл мереке – халқымыздың мызғымас бірлігінің белгісі. Тәуелсіздік күні Қазақстанның еркіндігі мен тәуелсіз дамуын жаңа тарихи жағдайларда бейнелейді.
Осы айтулы күні егеменді ел болу үшін ата-баба арманын жүзеге асыруда ерекше рөл атқарған халық батырларына тағзым етеміз.
Тәуелсіздік еліміздің алдынан жаңа көкжиектер ашты. Дәл Тәуелсіздік жарияланғаннан кейін Қазақстанды халықаралық құқықтың толыққанды субъектісіне айналдырып, дипломатиялық тұрғыдан тану процесі басталды.
Тәуелсіздік бәрінен де биік! Өткен және келешек ұрпақ алдындағы парызымыз – ұлттың амандығы мен өркендеуінің астарында жатқан ең ұлы құндылық ретінде қасиетті Тәуелсіздікті көздің қарашығындай сақтау және қорғау.
Біз мемлекеттігімізді кезең-кезеңімен нығайта отырып, стратегиялық бағытымызды сенімді түрде жалғастырудамыз. Өмірдің барлық саласында басталған терең қайта құрулар сан ғасырлық тарихи шежіремізде жаңа тарау ашты. Біз Әділ Қазақстанды – тең мүмкіндіктер мен прогресс елін құрудамыз. Ал біз бірлік пен тұрақтылық, заңдылық пен тәртіп, жауапкершілік пен ынтымақ, білім мен еңбек мәртебесі сияқты құндылықтарға сүйене отырып, бұл биік мақсатқа жететініміз сөзсіз.
Баршаңызға зор денсаулық, бақыт және табыс тілеймін!
Әрқашан Отанымыздың туы биікте желбірей берсін!
Тәуелсіздігіміз тұғырлы бола берсін!» делінген құттықтауда
Осыдан 32 жыл бұрын 1991 жылы 16 желтоқсанда «Қазақстан Республикасының мемлекеттік тәуелсіздігі туралы» Конституциялық заңға қол қойылды.
Жаңалықтар
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды
- Атырау облысының әкімі Шәпкенов төтенше жағдайларды жою жөніндегі штаб отырысын өткізді
- «Азаттық» тілшісіне қоқан-лоқы жасалды
- Бюджеттегі ысырапшылдық: 500 миллиард теңгеге жуық қаржы құрдымға кетті
- Полиция Жылыой әкімдігі алдында шатыр тігуге бөгет жасады
- Тараз полицейлері тыныс алуы тоқтаған баланы аман алып қалды
- Су басқан аймақтардағы оқушылар емтиханнан босатылады
- Лудомандар санын азайту үшін 80 млн теңге бөлінуі мүмкін
- Новороссийскіге ұшқышсыз шабуыл: Қазақстан мұнайының экспортына қауіп төніп тұр ма?
- БҚО-да түлектердің ақшасына жасалған ұстазға арналған ескерткіш бұзылды