Kaspi.kz сағаттың өзгеруіне байланысты мүмкін болатын ақаулықтар туралы ескертті

Бұл банк карталарына, аударымдарға және Kaspi QR қызметіне әсер етпейді.

Бұл туралы банктің баспасөз қызметі хабарлады.

Kaspi.kz хабарлағандай, Қазақстанның біртұтас уақыт белдеуіне көшуіне байланысты техникалық жұмыстар 29 ақпан күні сағат 22:00-ден 1 наурыз күні сағат 2:00-ге дейін жүргізіледі. Осы кезеңде мобильді қосымшада, банкоматтарда, терминалдарда және карта автоматтарында кейбір қызметтер жұмысында үзілістер болуы мүмкін.

«Сонымен қатар Kaspi Travel билеттерін сатып алған жолаушылар «Менің сапарларым» бөлімінде ұшақтың ұшу уақыты туралы соңғы ақпаратты көре алатындығына назар аударамыз. Билет сатып алуды жоспарлап отырғандар үшін қызмет көрсету уақыты сағаттың өзгеруін ескере отырып көрсетілген» деп хабарлады банктің баспасөз қызметі.