Kaspi.kz акционері Вячеслав Ким Jusan Bank-ті сатып алуына қатысты пікір білдірді

Әлеуметтік желілер мен БАҚ-та Kaspi.kz финтехтің тең иесі және акционері Вячеслав Кимнің Ғалымжан Есеновтің Jusan банкін сатып алуына қатысқаны туралы ақпарат таралуда. 

Болжам бойынша  ол мәмілені жүзеге асыруға көмектескен және қажетті соманы қамтамасыз еткен. Біз Вячеслав Кимнің өзінен мән-жайды түсіндіруді сұрап, төмендегідей пікір алдық.

«Ғалымжан екеуміз көп жылдан бері доспыз, бұрыннан бері түрлі қайырымдылық жобаларға бірге қатысып келеміз. Мысалы, Ғалымжанмен «Алматы марафонының»  негізін қалап, оны Қазақстан мен Орталық Азиядағы ең ірі спорттық шараға айналдырдық. Жусан Банкке келер болсақ, Ғалымжан жеке кеңес алу үшін маған жүгінді. Мен Jusan Bank төңірегіндегі жағдайдың мүмкіндігінше тезірек сәтті шешілуіне жәрдем бердім. Ең алдымен Jusan Bank клиенттері мен мемлекеттің мүддесіне көмектескеніме қуаныштымын. Бұл менің жеке ісім және мұның Kaspi.kz -ке еш қатысы жоқ. Банкті сатып алу шарттарына қатысты мәміле тараптарына хабарласыңыз. Мен мәмілеге қатысушы емеспін, маған бұдан тікелей немесе жанама пайда жоқ», — деді Вячеслав Ким.