Каспийге лас су құйылуда. Экологтар сынама алды

Ақтау тұрғыны кәріз суының Каспий теңізіне ағып жатқаны туралы видео түсіріп алған. Жазба 7А ықшамауданындағы жағалау аймағында түсірілген.

Маңғыстау облысы экология департаментінің мамандары көрсетілген орынды тексеріп, жер астынан су шығып жатқанын, оның қайдан шыққаны әлі белгісіз екенін хабарлады, деп жазды Lada.kz.

Экология департаменті бұл жөнінде ақпаратты  нақтылау үшін Ақтау қалалық тұрғын үй-коммуналдық шаруашылық бөліміне, «Каспий жылу, су арнасы» МКҚК мен «Қала жолдары» ЖШС-не хабарлағанын атап өтті.

«Қазір мамандар су көзін зерттеуде. Біздің мамандар судан сынама алып, зертханаға жеткізді. Су сынамаларының қорытындысы кейінірек белгілі болады»,  деп мәлімдеді Маңғыстау облысы экология департаменті.