Каспийді зерттеу мен қорғауға 1,1 млрд теңге бөлінді

Үкімет резервінен 1,1 млрд теңге «Каспий теңізінің қазақстандық ғылыми-зерттеу институты» акционерлік қоғамына бағытталды, деп хабарлайды Orda.kz.

Тиісті қаулыға премьер-министр Олжас Бектенов қол қойды.

«Атап айтқанда, теңіз мониторингін жүргізуге арналған заманауи құрылғылар сатып алу, гидробиологиялық және гидрохимиялық зертханаларды жаңғырту көзделіп отыр. Бұл мамандарға Каспий акваториясында тікелей кешенді зерттеу жүргізуге, гидрометеорологиялық және биологиялық көрсеткіштерге тұрақты бақылау жасауға мүмкіндік береді»  деп жазылды хабарламада.

Сонымен қатар институт халықаралық ғылыми қауымдастықпен ынтымақтастығын кеңейтіп, Каспий маңы елдерінің университеттері мен зерттеу орталықтары қауымдастығына мүше болды.

Еске сала кетейік, Конституция бойынша референдум өткізуге Үкімет резервінен шамамен 21 млрд теңге бөлінді.

Оқи отырыңыз:

• Референдумға арналған бюллетень үлгісі жарияланды
• Қазақстандықтар «әдемі» автонөмірлерден ақшасын аямады: Бюджетке қанша кіріс кірді?