Каспий жағалауындағы учаскелер мемлекетке қайтарылды

Маңғыстау облысында прокурорлар Қарақиян ауданындағы пайдаланылмай жатқан жерлерді мемлекет меншігіне қайтарды.

Шамамен 700 мың гектар аумақты алып жатқан және құны 1,1 миллиард доллар болатын учаскелер 2007 жылдан бері игерілмеген.

«Сонымен қатар облыста 44 850 гектар ауыл шаруашылығы мақсатындағы жер телімдерін ұтымсыз пайдаланған 57 шаруа қожалығын анықтадық. Жануарлардың саны жалпы жайылым ауданы бойынша шекті рұқсат етілген жүктемеге (20%-ға аз) сәйкес келмейтіні анықталды. Осылайша, жер телімдері іс жүзінде пайдаланылмаған».

Сонымен қатар, прокуратура Ақтау қаласының шекарасында мемлекет меншігіндегі жер телімдерін басып алудың 61 фактісін анықтады.