Каспий теңізі жағасынан 40 өлі итбалық табылды

Жануарлардан қасақана қыру белгілері табылмады, дегенмен журналистер итбалықтардың көздерінің жоқтығына назар аударды.

Бұл туралы Lada хабарлайды.

Басылымның мәліметінше, Түпқараған ауданындағы теңіз жағасынан 40 өлі Каспий итбалығы табылған.

«Дауылдан кейін біздің мамандар жағаға лақтырылған өлекселерді іздеу үшін үнемі теңіз жағалауын тінтіп отырады. Олар басқа жерде өлген, себептерін медициналық сараптама анықтайды. Көздер өлгеннен кейін зақымдалған болуы мүмкін. Әдетте құстар өлген жануарлардың көздерін шоқып алады» деп келтіреді «Лада» Маңғыстау облысы бойынша балық шаруашылығы инспекциясы басшысы міндетін атқарушы Андрей Руцкийдің сөзін.

Итбалықтардың өліміне не себеп болғаны әлі анықталуда. Бірақ олардың өлекселерінен қасақана қыру белгілері байқалмайды.