Каспий теңізі жағасында бес өрт ошағы анықталды

Атырау облысында өрт иісі шыққандықтан, мамандар жағалауды айналып ұшып өтіп, 5 гектар аумақта өртенген қамыстардың бірнеше ошағын тапты.

«Атырау қаласына жеткен өрт иісін анықтауға байланысты 7 шілде күні таңғы сағат 08:19-да «Қазавиақұтқару» АҚ-ның МИ-8 тікұшағы өрт ошақтарын анықтау мақсатында әуе барлауына шықты», - деп хабарлады ҚР Төтенше жағдайлар министрлігінің баспасөз қызметі.

Барлау жұмыстары нәтижесіндегі алдын ала мәлімет бойынша 5 гектар аумақта 5 жану ошағы табылды. Қамысты сөндіруге 55 қызметкер, «Қазавиақұтқару» АҚ-ның 13 техникасы, 2 мотопомпа және тікұшақ қатысқаны атап өтілді.