Каспий итбалығы Қазақстанның Қызыл кітабына енгізілді

Бүгінгі күні итбалық жойылып бара жатқан жануарлар тізіміне енді, деп хабарлады ҚР үкіметінің қаулысында.

Құжатта:

«Өсімдіктер мен жануарлардың сирек кездесетiн және құрып кету қаупi төнген түрлерiнiң тiзіміне «Сүтқоректілер» бөлімі мазмұндағы реттік нөмірі 128-1-жолмен, яғни, Каспий итбалығымен толықтырылсын»,- делінген.

Қаулы алғашқы ресми жарияланған күнінен кейін күнтізбелік 10 күн өткен соң қолданысқа енеді.

Каспий итбалығын Қызыл кітапқа енгізу туралы шешім балық аулау жөніндегі ведомствоаралық зоологиялық комиссияның шілде айында өткен отырысында қабылданды. Комиссия мүшелері бұл итбалықтардың сақталуына ықпал ететін қосымша шара, сондай-ақ болашақта ерекше қорғалатын табиғи аумақ құрудың маңызды аргументтерінің бірі болады деп санады.

Алматы гидробиология және экология институтының директоры Мирғали Баймұқанов Каспий теңізінің итбалықтарын Қызыл кітапқа енгізуге қарсы пікір айтты.

«Каспий итбалықтарын Қызыл кітапқа енгізу жағдайын мұқият қарау керек, мұндай маңызды қадамға дайындалу керек. Қызыл кітап нысандарын зерттеу мен сақтаудың заңнамалық негізін тиісті түрде жасамай, Каспий итбалығын тізімге енгізу кері әсер беруі мүмкін», - деді ол.

Маңғыстауда итбалықтарға қатыгездікпен қараудың екі фактісі 2020 жылдың шілде айының басында тіркелген. Демалушылар жануарға тас атып, таяқпен ұрған.

Айта кетсек, енді Каспий итбалығын өлтіргені үшін 3 АЕК ( 8 334 000 теңге- ескертпе ORDA) көлемінде айыппұл төлеуге міндеттеледі. Немесе 800 сағат түзету жұмыстарына, болмаса үш жылға бас бостандығынан айырылады.