Кәсіптен абақтыға бір қадам

Оралдағы Rizyq дәмханасында болған жарылыс ісі бойынша кәсіпкер Меңдібек Уәлиев бес жылға сотталды.

Бұл туралы Батыс Қазақстан облыстық прокуратурасының баспасөз қызметі хабарлады.

«Батыс Қазақстан облысының Орал қалалық соты 4 қаңтарда «Rizyq» дәмханасында болған жарылыс бойынша кінәліге қатысты айыптау үкімі шықты», - деп хабарлады сейсенбіде Батыс Қазақстан облысы прокуратурасының баспасөз қызметі. 

Уәлиев жеке кәсіпкер және «Rizyq» дәмханасының басшысы газ жабдықтарын пайдаланудың белгіленген ережелерін бұзған, соның салдарынан дәмхана ғимаратының бір бөлігінде жарылыс болды.

«Оқиға салдарынан үш адам қаза тауып, бесеуі әртүрлі ауырлықтағы жарақаттар алды. Сот отырысында сотталушы өз кінәсін мойындамай, жауапкершілікті өз қызметкерлеріне артпақшы болған. Алайда, сотталушының кінәсін дәлелдейтін мемлекеттік айыптаушының принципті ұстанымы мен сотқа келтірген бұлтартпас дәлелдері айыптау үкіміне ықпал етті», - делінген хабарламада.

Нәтижесінде сот сотталушыны қылмыстық кодексінің 292-бабының 3-бөлігімен (өрт қауіпсіздігі талаптарын бұзу) қылмыстық құқық бұзушылық жасағаны үшін кінәлі деп танып, оған бес жыл мерзімге бас бостандығынан айыру түріндегі жаза тағайындады. 

Үкім заңды күшіне енген жоқ.