Кәсіпкерден пара алған орынбасар сотталып кетті

Қалалық коммуналдық инфрақұрылымды дамыту басқармасы басшысының орынбасары сотталды, деп хабарлайды Orda.kz. 

Алматы қаласы Медеу аудандық соты қалалық коммуналдық инфрақұрылымды дамыту басқармасы басшысының орынбасары Н.Қажинге үкім шығарды. 

Тергеу мәліметтеріне сүйенсек, ол аула аумақтарын санитарлық тазалау бойынша жұмыстарды мемлекеттік сатып алу шарттарын жасасуға жәрдемдесу сылтауымен 19,5 млн теңге жергілікті кәсіпкердің ақшалай қаражатын иемденген. 

Қажин мемлекеттік қызметте және мемлекеттік сектор субъектілерінде қызмет атқару құқығынан өмір бойына айырылды. Сот шешімімен 6 жылға бас бостандығынан айыру жазасы тағайындалды.