Кәсіпкер Әлидар Өтемұратов Ақтөбе облысына 500 млн жіберді

Әлидар Өтемұратов Ақтөбе облысына көмек ретінде 500 млн жіберді, деп хабарлайды Orda.kz порталы.

Бұл қаражат су тасқынынан зардап шеккен тұрғындарға пәтер сатып алуға және үй салуға жұмсалады.

«Осындай өте күрделі жағдайда мемлекеттің, бизнестің және азаматтық қоғам ресурстарын біріктіру – табиғи апат салдарларымен күресудің кілті. Жылдам әрі тиімді шаралар қабылдау – су басқан өңір тұрғындарының өмірлік маңызды мәселелерін дұрыс шешудің және болуы мүмкін экологиялық апаттың алдын алудың кепілі», – деді Әлидар Өтемұратов. 

Өткен аптада Болат Өтемұратов Ақтөбе облысына 10 млрд жіберген болатын.

Сондай-ақ ол халыққа көмек көрсету үшін «Демеу Қазақстан» қорына 680 миллион теңге аударған.