Қаржылық пирамида: «Пайызсыз баспана» басшылары сотталды

Шымкентте «Пайызсыз баспана» қаржылық пирамидасын ұйымдастырушыларға үкім шықты, деп Orda.kz хабарлайды.

Шымкент қаласының қылмыстық істер жөніндегі ауданаралық соты «Пайызсыз баспана» тұрғын үй ұйымының басшысы мен қызметкерлерін қаржылық пирамида құрғаны үшін 3 жылдан 6 жылға дейін бас бостандығынан айыруға үкім шығарды.

Сот материалдарына сәйкес, 2019-2021 жылдар аралығында Шымкент, Алматы және Астана қалаларында инстаграм әлеуметтік желісі арқылы салымшылар тартып, төмен бағамен баспана береміз деп уәде берген. Бірақ жиналған қаражат олардың жеке қажеттіліктеріне жұмсалып, жылжымайтын мүлік сатып алынғаны белгілі болды. Осылайша, 134 адамға 171 миллион теңгеден астам шығын келтірілді.