Қаржы министрлігінің жоғары лауазымды шенеуніктері 68 млн тенге пара алу кезінде ұсталды

Алматы мен Астанада Қаржы министрлігінің басқарма басшылары қамауға алынды, деп хабарлайды Orda.kz.

Тергеушілердің айтуынша, компанияға 570 миллион теңге көлемінде салықтың негізсіз есептелгені туралы ақпаратқа қол жеткізген шенеуніктер ақшалай өтемақы төлеуді талап етіп, делдал арқылы компания өкіліне хабарласқан.

«Салық органдарымен мәселені шешеміз деген желеумен олар 68 млн теңге көлеміндегі ақшаны иемденген. Қаржы министрлігінің шенеуніктері мен делдал әшкереленіп, парамен ұсталды», - деді Сыбайлас жемқорлыққа қарсы қызметтің ресми өкілі Данияр Биғайдаров.

Сот санкциясымен күдіктілер үйқамаққа алынды. Қазір олар басқа адамдардың қылмыстық құқық бұзушылыққа қатысы бар-жоғын тексеріп жатыр.