Қаржы министрлігі Елтаңбаны ауыстыруға қанша шығын кететінін әлі есептемеген

Қаржы Мәди Тәкиевтің айтуынша, елтаңбаны ауыстыруға кететін шығын әлі есептелген жоқ.

 «Алдымен оны өзгерту керек пе, соны шешейік. Нақты шешім әлі қабылданбағанын жақсы білесіздер. Қоғам қолдаса, мәселені қарап, комиссия құрамыз деп айтылды. Бізге алдын ала жоба керек. Елтаңбаны дәл бүгін өзгерте алмаймыз. Бұл үлкен жұмыс. Бәрін есептеу керек». деді ол.

Еске салайық, президент Тоқаев Атыраудағы ұлттық құрылтайдың үшінші отырысында Елтаңбаны ауыстыру туралы ой тастады.

«Оны Кеңес заманындағы Гербке ұқсатып жатады. Тым эклектикалық, күрделі дейді. Мұндай ойды ел ісіне бей-жай қарамайтын белсенді азаматтар ғана емес, мамандар да айтып жүр. Орынды пайымдар ескерусіз қалмауы керек. Ортақ келісімге келген жағдайда арнаулы комиссия құруға болады. Бұл комиссия мәселені жан-жақты қарастырып, қоғамдық талқылау өткізеді. Сосын Қазақстанның жаңа Елтаңбасының жобасын жасауға ашық байқау жарияланады»,  деді Тоқаев.