«Қарулы шопан»: Алматы облысында тауда мотоциклшілерге шабуыл жасалды

Алматы облысында тау ішінде шопандар мотоцикл мінген шабандоздарға шабуыл жасады.

Бұл туралы ҚазТаг хабарлады.

Бейнежазбада ат үстіндегі ашулы ер адамның алдымен мотоцикл жүргізушісінің басынан қамшымен соққаны, сосын оған тағы екеуі қосылып, байкерді ұрып-соғып, жерге құлатқаны көрінеді. 

Шабуыл жасағандардың бірінің қолында «Калашников» автоматына ұқсас қару бар. Бейнежазбаны қарағанда мылтыққа ұқсас дыбыс та естіледі.

Аудандық полицейлер күдіктілердің тез анықталып, ұсталатынын хабарлады.