Картоп 18%-ға қымбаттады: Қазақстанда азық-түлік бағасы неге өсіп жатыр?

Қазақстанда әлеуметтік маңызы бар азық-түлік тауарлардың бағасы өсіп жатыр. Ұлттық статистика бюросының мәліметінше, 2025 жылғы қаңтарда бұл өнімдер орта есеппен 1,9%-ға, ал 2024 жылы 3,1%-ға қымбаттаған, деп хабарлайды Orda.kz. 

Қымбаттаған өнімдер ішінде картоп бағасының көп өскені байқалды – бір айда 17,8%-ға көтеріліп, бір келісі 225 теңгеге жетті. Қырыққабат 8,2%-ға қымбаттап, 162 теңге болды. Күнбағыс майының бағасы 4,4%-ға өсіп, литрі 764 теңгеге жетті, ал сиыр еті 2,7%-ға қымбаттап, келісі 2652 теңгені құрады. Сары май, айран және сәбіз бағасы 1,4% шамасында ғана өсті.

Сарапшылар бағаның күрт көтерілуін маусымдық өзгерістермен, логистикалық қиындықтармен және қорлардың азаюымен байланыстырып отыр.