Қармет металлургиялық зауытында екі адам қаза тапты

Теміртауда демонтаж жұмыстары кезінде екі мердігер жұмысшы биіктіктен құлап мерт болды, деп хабарлайды Orda.kz.

«25 тамызда №2 қаңылтыр прокат цехындағы «Qarmet» АҚ нысанында қайғылы оқиға болды. Таңертеңгі сағат 9:20-да химиялық қалпына келтіру қондырғысы ғимаратының шатырын бөлшектеу кезінде қауіпсіздік ережелерін сақтамау салдарынан «Казмеханомонтаж» ЖШС мердігер ұйымының екі қызметкері биіктіктен құлап кетті», деп хабарлады «Қармет» АҚ баспасөз қызметі.

19 және 38 жастағы екі ер азамат қаза тапты.

Себептері мен мән-жайын анықтау үшін арнайы комиссия құрылды.