Кәрім Мәсімов пара алды деген күдікке ілінді

Ұлттық қауіпсіздік комитетінің бұрынғы басшысы Кәрім Мәсімов ақшаны заңдастырды және пара алды деген күдікке ілінді

Ұлттық қауіпсіздік комитеті Kazinform агенттігінің сауалына жауап бере отырып, Кәрім Мәсімовке қатысты жаңа қылмыстық істер туралы хабарлады.

«ҰҚК К.Мәсімовке қатысты 208 «Қылмыстық жолмен алынған ақшаны және өзге де мүлікті заңдастыру» және 366 «Қылмыстық жолмен алынған кірістерді заңдастыру» баптарында көзделген қылмыстық құқық бұзушылықтар бойынша сотқа дейінгі тергеп-тексерудің жалғасып жатқанын хабарлаймыз» делінген Ұлттық қауіпсіздік комитеті берген жауабында.

Атап өтілгендей, сотталған Кәрім Мәсімов прокуратура санкциясымен тергеу амалдарын жүргізу үшін Астана қаласы Ұлттық қауіпсіздік комитетінің уақытша ұстау изоляторына жеткізілді.

Бұған дейін Мәсімов пен оның орынбасарлары терроризмді демеушілер тізіміне ресми түрде енгізілген болатын.