Қарды уақытында тазалап үлгермеген Алматы әкімдігі не деді?

Алматы әкімдігі қаланы қардан тазалап үлгермегендігінің себебін түсіндірді, деп хабарлайды Orda.kz.

Соңғы екі тәулікте Алматыда көп — қалада 22 см, Каменск жотасында 40 см, Шымбұлақта 42 см қар жауды. Бұл айлық жауын-шашын мөлшерінің үштен бірі.

Әкімдік өкілдерінің айтуынша, қар тазалау жұмыстарына тәулік бойы 600-ден астам техника және 1080 жұмысшы тартылған. Қар жауа бастағаннан бері 6,5 мың текше метр қар шығарылды.

Алайда, көшелерді тазалау кезінде жол бойында қар үйінділері пайда болды, оларды жою үшін уақыт қажет болғандығын айтты әкімшілік.

«Қар тазалау жұмыстары түнде ірі техникаларды, автогрейдерлер мен негізгі тиегіштерді пайдалану арқылы жүргізіледі. Таңертеңгі уақытта жол жиегінде қар үйінділерінің болуы — бұл технологиялық қажеттілік. Қар толық шығарылып, келесі жұмыс ауысымы кезінде жойылады, содан кейін тротуарлар тазаланып, мұз жарылып, қар-мұз қабаттары алынады», — деп түсіндірді қалалық коммуналдық инфрақұрылымды дамыту басқармасы.

Әкімдік автокөлік иелеріне, әсіресе түнгі уақытта, жол жиегінде көлік қоймауды сұрайды, себебі бұл қар тазалайтын техниканың жұмысын қиындатады.

«Бір тәулікте түскен қар мөлшері онкүндік норманы құрады, сондықтан қаладағы негізгі көшелердің қарын тазалау жұмыстары бүгін түнде аяқталады», — деп сендірді әкімдік.

.