Карантин режимін бұзған ақтөбеліктерге 66 млн теңгеден астам айыппұл салынды

Орталыққа келіп түскен шұғыл хабарламалар бойынша жоспардан тыс 51 нысанға тексеру жүргізілді.

Бұл туралы Orda.kz  хабарлайды.

Мониторингтік топтар мен полицияның материалдары бойынша 2021 жылы шектеу карантиндік шараларын бұзғаны үшін 66 027 270 теңгеге 593 айыппұл салынды.

Тексеру нәтижесі бойынша 8 021 750 теңгеге 52 айыппұл салынды.

«Қауіп сейілген жоқ.  Осы орайда облыс тұрғындарына түрлі мерекелік іс-шараларды, тойлар мен отбасылық іс-шараларын өткізуге тыйым салынғанын тағы да естеріңізге саламыз», - делінген Ақтөбе облыстық санитарлық-эпидемиологиялық бақылау департаментінің хабарламасында.

Облыс бойынша мобилді мониторингтік топтар жеке және заңды тұлғалар нысандарында шектеу карантиндік шараларының орындалуы, соның ішінде бетперде тағу режимі мен басқа да эпидемияға қарсы іс-шаралары бойынша рейдтік тексерулер жалғасуда.