Қазақстандық шенеуніктер карантин кезінде той тойлап жүр

Желіде елордада өткен салтанаттың бейнежазбалары пайда болды. Суреттерде Өскемен қаласының әкімі Жақсылық Омар, Бекболат Тілеухан және тағы бірнеше шенеунік бейнеленген.

Бұл туралы Orda.kz Liter.kz сайтына сілтеме жасап хабарлайды.

-  Өскемен қаласының әкімі Астанаға келіп, біз осы карантиндік шаралардың бәрінен есіміз шығып жатқанда, тойға барады. Пандемияның салдарын жоюға тікелей жауапты адам барлық шараларды бұзады. Диверсияға өте ұқсас, - деп жазады Facebook қолданушысы Насима Қорғанбекова.

Басқа суреттерден ҚР ұлттық музейінің директоры Арыстанбек Мұхамедиұлын, мәжіліс депутаты Бекболат Тілеухан мен Talim TV телеарнасының директоры Мұхамеджан Тазабекті көруге болады. Кадр жақында жасалғаны анық. Мұны суретке даяшының медициналық маскамен түскендігі дәлелдейді.

Бұған дейін Қарағандыда шенеунік қатаң карантиндік шаралар кезінде 500 адамға арналған үйлену тойын ұйымдастырған болатын. Бұл үшін ол Қарағанды облысының жер қатынастары басқармасының басшысы лауазымына ие болғанына қарамастан жұмыстан босатылды.