Қарағандының «Саран» шахтасында 3 адам мертікті

Қарағанды облысында «Саран» шахтасында үш кенші жарақат алды.  «Вечерняя Караганда» басылымының хабарлауынша, жарақат алғандардың екеуі амбулаторлық емдеуде, ал бір кенші ауыр хәлде ауруханаға жатқызылған, деп хабарлайды Orda.kz.

Оқиға туралы ақпарат бүгін ғана жарияланды, алайда бұл жағдай 14 қазан күні болған.

«АрселорМиттал Темиртау» активтерін өткен жылы сатып алған Qarmet компаниясына тиесілі «Саран» шахтасы әлі күнге дейін ресми түсініктеме бермеді. Оқиға жайлы ақпарат алу үшін профильді ведомстволарға сұрау жолданды, бірақ компанияның баспасөз қызметі әзірге үндемей отыр.

Қарағанды облысының денсаулық сақтау басқармасының мәліметінше, жарақат алғандардың бірінің жағдайы нашар, ол қажетті ем-дом алып жатыр.