Қарағандыны еріген қар суы басып жатыр

26 наурызда Қарағандыда ауа температурасы күрт көтеріліп, қаланың әртүрлі аудандарында жолдарды, жеке және көпқабатты үйлердің аулаларын су басты.

Майқұдықта кем дегенде 4 жеке үйге су кірді. Өткен жылы дәл осындай жағдай болған.

«Үйде де су, жертөледе су бар, сорып аламыз. Балалар ауруханасы орналасқан жерде  су жиналып ағыспен ылдиға қарай түседі. Үйлердің арасымен ағады. Ондағы кейбір үйлерді де су басқан» деп қосты көшенің тұрғыны Алексей Сенчук.

Сағат алтыға қарай тұрғындар көмек күтті. Әкімдік техника жіберіп, су тартыла бастады.

«Қазіргі уақытта жағдай тұрақталды. Су арнасы бұрылды. Біз үй аумағындағы суды сорғызып тастаймыз. Бұл су қалың қардың еруі мен жоғары температураның әсерінен. Жағдай бақылауда»,- дейді Әлихана Бөкейхан аудандық тіршілікті қамтамасыз ету бөлімінің басшысы Асылбек Жұмақаев.

Қаланың арғы шетінде даладан ағып жатқан су жаңа «Баспана» тұрғын үй кешеніндегі дүкенді басып қалды. Кәсіпкерлер ызаланып, шығынды кім өтейтінін білмей отыр. Жертөледегі балабақшаны да су басқан. Су тартылып жатыр, бірақ балабақшаның жертөлеге қалай түскенін енді құзырлы органдар анықтайтын болады.