Қарағандыдағы машина жасайтын цех өртеніп жатыр

Қарағандыдағы Әлихан Бөкейханов атындағы ауданда "Пархоменко атындағы Қарағанды машина жасау зауыты" ЖШС аумағында өрт шықты. Цехтың шатыры жанып жатыр.

Төтенше жағдайлар министрлігінің мәліметінше, өрт шамамен 06:32 шамасында шыққан. Оқиға орнында төтенше жағдайлар департаментінің 58 қызметкері және 16 техникасы жұмыс істеп жатыр.

Өрт сөндірушілер сағат 07:52-де 400 шаршы метр аумақтағы жалынды оқшаулады. 

Зардап шеккендер жоқ. Өрттің себебі анықталып жатыр.