Қарағандыдағы ферроқорытпа зауытында болған төтенше жағдайдан кейін қылмыстық іс қозғалды

Сегіз адам зардап шекті, оның алтауы жансақтау бөлімінде жатыр, деп хабарлайды Orda.kz.       

Қарағандыдағы ферроқорытпа зауытында болған оқиғаға қатысты қылмыстық іс қозғалды, деп мәлімдеді облыстық полиция департаментінің баспасөз қызметі.

«Абайсызда денсаулыққа ауыр зиян келтіруге әкеп соққан еңбекті қорғау ережелерін бұзу» бойынша ҚР Қылмыстық кодексінің 156-бабының 2-бөлігі бойынша қылмыстық іс қозғалды Оқиғаның мән-жайы анықталуда» делінген хабарламада.

Қарағанды ​​облысы бойынша еңбек инспекциясы жөніндегі департаменті баспасөз қызметінің хабарлауынша, Қарағандыдағы ферроқорытпа зауытында болған оқиғаға байланысты оқиғаның себептері мен мән-жайын анықтау үшін комиссия құрылды.

20 шілде күні сағат 04.10-да «YDD Corporation» ферроқорытпа зауытында кенеттен жалын шығып, нәтижесінде зауыттың сегіз қызметкері әртүрлі дәрежедегі дене жарақаттарын алды. Олар профессор Х.Ж.Мақажанов атындағы көпсалалы ауруханаға жеткізілді.

Оладың алтауы жансақтау бөліміне, екеуі жедел терапия бөліміне жатқызылды. Зардап шеккен бес адамның жағдайы аса ауыр, екеуі ауыр, бір науқастың жағдайы орташа деп бағаланып отыр.

Зардап шеккендерді арнайы мамандар тексерді. Қосымша тексерулер жүргізілді. Науқастар барлық қажетті емді толық көлемде алады, деп сендірді аурухана.