Қарағандыда жедел жәрдем жүргізушісіне шабуыл жасаған күдікті ұсталды

Жедел жәрдем жүргізушісін соққыға жыққан Нұрболат Дәкебаев бірнеше күн шалғайдағы қыстауда жасырған.

Бас прокуратура күдіктінің ұсталғанын хабарлады.

Ал облыстық полицейлер ер адамды Қарағандыдан 200 шақырым жерден тапқанын қосты. Ол жедел жәрдем жүргізушісін ұрған соң бірден қашып кеткен. Бұл 27 қаңтарға қараған түні болған. Өткен дүйсенбіде шабуылдаушы іздеуде болған.

«Қазір Дәкебаев уақытша ұстау изоляторына қамалды. Оған айып тағылып отырған қылмысты жасағаны үшін ең ауыр жаза үш жылға дейінгі мерзімге бас бостандығынан айыру» деп хабарлады Бас прокуратура.