Қарағандыда ұры дүкен сатушысын пышақтап өлтірді

Қарағанды облысы Саран қаласында белгісіз адам азық-түлік дүкенінің 27 жастағы сатушысын пышақтап, кассадағы ақшаны ұрлап кеткен. Алған жарақаттарынан әйел оқиға орнында қайтыс болды, деп хабарлайды Orda.kz.

Қарақшылық шабуылдың бейнежазбасы әлеуметтік желілерде тарады. Ер адам дүкенге кіріп, сатушыға шабуыл жасаған. Әйел қарсылық көрсеткен, бірақ кейін қылмыскер оның ішіне пышақ сұғып, кассадағы ақшаны алып оқиға орнынан қашып кеткен.

«Зорлық-зомбылық белгілері бар мәйіттің табылуына байланысты қылмыстық іс қозғалды. Күдіктіні анықтау және ұстау мақсатында облыстық ішкі істер органдарының барлық жеке құрамы жұмылдырылды. Жедел-іздестіру шаралары жүргізілуде. Оқиғаның мән-жайы анықталуда»,  деп мәлімдеді Қарағанды облысы полиция департаментінің баспасөз қызметі.