Қарағандыда такси жүргізушісі ұялы телефонын ұмыт қалдырған клиентке несие рәсімдеді

Ұялы телефонын көлікте ұмыт қалдырған клиентке такси жүргізушісі 400 мың теңге несие рәсімдеген.

Хабарланғандай, Қарағанды ​​іргесіндегі ауылдардың бірінің 59 жастағы тұрғыны облыс орталығынан таксимен қайтып келе жатып, абайсызда ұялы телефонын көлікте қалдырып кеткен.

25 жастағы такси жүргізушісі құрылғыны тауып алғанымен, иесіне қайтаруға асықпай, ер адамға 400 мың теңге көлемінде несие рәсімдеген.

Полицейлер жүргізушіні ұстады. Ол бәрін мойындады. ҚР Қылмыстық кодексінің 188-бабы «Ұрлық» бойынша сотқа дейінгі тергеу амалдары жүргізілуде.