Қарағандыда соққыға жығылған жігіт ұрған жігіттен 5 млн теңге өндіріп алмақшы

Сондай-ақ жедел жәрдем жүргізушісі істі қайта қарап, жазаның ауырлағанын талап етіп отыр, деп хабарлайды Orda.kz порталы.

«Соққыға жыққан тұлға өзінің іздестіріліп жатқанын білмеген» деген ақпарат жалған болып шықты. Айта кетейік полиция оны болған оқиғадан 5 күннен кейін тапқан. Ол досының үйіне барып қонған.

«Сол күні ол маған келіп, түнеріп отырды. Тіпті шай ішпеді. Ол ойланып отырды. Мен оны жалғыз қалдырдым. Үйге ұйықтауға кетті . Ол менімен бірінші рет түнеді. Мен оған көп сұрақ қоймадым», - деді сотталушының досы Роман Деев.

Еске сала кетейік 27 қаңтар күні Қарағандыда көпқабатты үйлердің маңайында жедел жәрдем көлігінің тұрғаны жүк көтеріп бара жатқан тұрғынға ұнамаған. Соңы жанжалға айналып, тұрғынның ызасын келтірген жедел жәрдем көлігінің жүргізушісі соққының астында қалған. 

Кейін зардап шеккен жүргізуші қылмыскерді кешіретінін айтқан. Артынша ойын өзгертіп қылмыскерден 5 млн теңге мен моральдық шығын өтеуді талап етті. Өйткені жүргізушінің мұрны мен бірнеше қабырғасы сынған. Бұл күнде жүргізуші мұрнына екі рет ота жасатқан.

«Сотталушы айыпты ішінара мойындайтынын айтты. Бұл не екенін түсінесіз бе? Яғни, адам тіпті азаматтық талап туралы емес, ақша туралы емес, айыптау туралы айтып отыр. Ол ішінара мойындайды. Не айтуға болады? Қандай ақша туралы? Төреғали өзінің материалдық шығыны үшін соңына дейін күреседі. Егер оған апельсиннен басқа ештеңе әкелмесе, қандай медиация туралы айтуға болады», - деді  Қарағанды адвокаттар алқасының адвокаты Бағдат Хасенов.

Жәбірленуші тарап бапты бұзақылықтан орташа ауырлықтағы денсаулыққа қасақана зиян келтіру ретінде қайта қарауды талап етеді немесе сотталушыны осы екі баппен айыптауды сұрайды.