Қарағандыда полицейлер инсульт алған жүргізушіні құтқарып қалды

Қарағандыда 8 наурыз, жұма күні патрульшілер Мұқажан Ақжарқын мен Берік Кеңесовке 19-шы шағын аудан қиылыстарының бірінде болған төтенше жағдай туралы куәгерлер мәлім еткен, деп хабарлайды Orda.kz.

Мәліметтер бойынша, көлік жол жиегіне шығып кеткен. Көлік істеп тұрған, тіпті доңғалақтары айналып тұрған.

«Көліктің есігі құлыптаулы болды. Алдыңғы жолаушы жағындағы әйнекті сындырып, салонға  кірдім. Серіктесіммен ер адамды сыртқа алып шықтым. Одан инсульт белгілері анықталды, себебі  жүргізушіде құрысу белгілері болды, тілі тартылып қалып, тыныс алу жолдарын бітеп тастаған. Біз мұндай жағдайларда қалай әрекет ету керектігін білеміз және ер адамға алғашқы медициналық көмек көрсеттік. Ол біздің көз алдымызда өзіне келе бастап, жеңіл дем алды. Осыдан кейін ер адам медициналық мекемеге жеткізілді», - деді Ақжарқын.

Дәрігерлер жүргізушінің жағдайы ауыр екенін айтты. Оның жағдайы қазір тұрақталды.