Қарағандыда «қайырымдылық» атын жамылған қаржы пирамидасы әшкереленді

Қарағанды облысында «Үміт Самғау» атты қаржы пирамидасы анықталды. Ол жалғызбасты аналар мен көпбалалы отбасыларға көмек көрсететін қайырымдылық жоба ретінде жасырын жұмыс істеген, деп хабарлайды Orda.kz.

Қаржы мониторингі агенттігінің дерегінше, ұйымдастырушылар азаматтарға салған қаражаты үшін 300%-дан 800%-ға дейін табыс уәде еткен. Салым көлемі артқан сайын, табыс та көбейеді деп алдаған.

Схемаға ұйымдастырушының туыстары мен таныстары тартылып, олардың атына тіркелген банк карталары арқылы ақша жиналған.

Пирамиданың 400-ден астам қатысушысы болған, жалпы айналымы 100 млн теңгеден асқан. Сот шешімімен күдіктінің пәтері мен көлігіне бұғат қойылды.