Қарағандыда ер адам мүгедек зейнеткерге шабуыл жасады

Қарағандыда қарақшы 63 жастағы зейнеткер – екінші топтағы мүгедекке шабуыл жасады. Ол қамауға алынды.

Әйел дүкенге барып, ақша санап жатқан. Осы кезде оған ер адам шабуыл жасады: ол қарттың қолынан ақшаны жұлып алып, қашып кетті. Келтірілген шығын көлемі сегіз мың теңгеден асады.

Жәбірленуші шабуылдаушының белгілерін сипаттап берді, ал полицейлер  – 47 жастағы ер адамды ұстады, ол кінәсін мойындады. ҚР Қылмыстық кодексінің 191-бабы «Тонау» бойынша сотқа дейінгі тергеу амалдары жүргізілуде. Күдікті уақытша ұстау изоляторына қамалды.