Қарағандыда екі баланың мәйіті табылып, ал анасы ұсталды

Қарағанды облысында екі баласын өлтірді деген күдікке ілінген ана ұсталды, деп хабарлайды Orda.kz порталы.

Бұл туралы ақпаратты облыстық полиция департаменті растады.

Оқиға 4 сәуірде болған. Сәбилердің денесі Бұқар жырау ауданындағы шағын ауылдардағы үйлердің бірінен табылды.

«Сотқа дейінгі тергеу басталды. Қылмыс жасады деген күдікпен балалардың анасы ұсталды. Ол уақытша ұстау изоляторына қамалды» деп хабарлады полиция департаменті.

Әзірге қылмыстық іс Қарағанды облыстық полиция департаменті бастығының бақылауында.