Қарағандыда 15 тонна заңсыз балық алау фактілері анықталды

Тексеріс кезінде ауланған балықтардың салмағы 15 тоннадан асатыны белгілі болды, деп хабарлайды Orda.kz порталы.

Облысаралық балық шаруашылығы бассейндік инспекциясы кәсіпорындардың біріне 19,4 тонна балық аулауға рұқсат берген.

Алайда, аумақтық ветеринарлық басқармасы рұқсат алған кәсіпорынға 31 тонна балыққа анықтама беру жолымен балық көлемін 11,6 тоннаға арттырған.

Тағы бір компания 560 келі балық аулауға рұқсат алған, ал ветеринарлық анықтама 1,5 тоннаға берілген.

«Мұндай жағдайлар жануарлар әлеміне айтарлықтай зиян келтіреді, атап айтқанда балық ресурсын азайтады. Қадағалау актісі бойынша кінәлі тұлғалар жауапкершілікке тартылды. Конституцияның 38-бабына сәйкес Қазақстан Республикасының азаматтары табиғи ресурстарды сақтауға және оларға ұқыпты қарауға міндетті» деп хабарлады Қарағанды облысының прокуратурасы.