Қарағанды облысында жер сілкінді

Жер сілкінісін 30 қазанда Астана уақыты бойынша сағат 10:59-да «Сейсмологиялық байқау және зерттеулер ұлттық ғылыми орталығы» ЖШС сейсмикалық станциялар желісі тіркеді, деп хабарлайды Orda.kz.

«Жер сілкінісінің ошағы Қазақстан аумағында Алматыдан солтүстік-батысқа қарай 500 шақырым жерде орналасқан. Есептік қарқындылығы (баллмен): байқалмайды» делінген ТЖМ хабарламасында.

Ұлттық деректер орталығының мәліметінше,  жер сілкінісі Балқаш қаласының маңында болған. Жер асты дүмпулерінің магнитудасы 4,5. Энергетикалық санаты – 9,6.