Қарағанды облысында жедел жәрдем жүргізушісін ұрғандар ұсталды

Қарағанды облысында белгісіз екі ер адам жедел жәрдем жүргізушісіне шабуыл жасады, деп хабарлайды Orda.kz порталы.

Жүргізушіге шабуылдаған азаматтар жедел жәрдем көлігінен зат ұрлаған.

Теміртау қаласында екі ер адам жедел жәрдем жүргізушісінің кеуде тұсынан теуіп, мемлекеттік көлікке зақым келтіріп, ішіндегі заттарға қол сұққан.

Қарағанды облысы полиция департаментінің хабарлауынша, оқиға25 ақпаннан 26 ақпанға қараған түні болған. Күдіктілер қазір қамауда.

«26 ақпанда түнгі сағат 01.00-де Теміртау қаласында көпқабатты үйдің ауласында белгісіз біреулер 45 жастағы жедел жәрдем жүргізушісін соққыға жыққан. Нәтижесінде жәбірленуші медициналық мекемеге жүгінген. Полицейлер ізін суытпай, 25 және 29 жастағы екі күдіктіні ұстады. Олар уақытша ұстау изоляторына қамалды» делінген полиця хабарламасында.